„Предание и континуитет 2017“ - тридневен форум за постмодерната во Струга

Во Центарот за култура „Браќа Миладиновци“ во Струга од денеска до недела ќе се одржува форум од областа на културата „Предание и континуитет 2017“. 

Првата дебата ќе донесе теолошко-философски поглед на постмодерната, а учесници ќе бидат Ристо Солунчев од Философскиот факултет во Скопје, Стефан Санџакоски и Милан Ѓорѓевиќ од Теолошкиот факултет во Скопје и Калистрат Санџакоски - дипломиран теолог од Струга. 

В сабота учесниците на дебатата ќе стават акцент на книжевно-поетскиот поглед на постмодерната. На дебатата ќе учествуаваат митрополит американско-канадски Методиј Златанов, писателот и сликар Димитрие Дурацоски, Иван Додовски од Американскиот универзитет во Скопје и писателот од Струга Ненад Јолдески.

На последната дебата, предвидена за недела, ќе учествуваат Небојша Станковиќ од Принстон универзитет, САД, Димитри Кумбароски од Универзитет Евро-Балкан од Скопје, Игор Котларовски, архитект од Скопје и скулпторот од Битола Владимир Симоновски.