Пречек за ракометарите на шампионот Вардар
Градот Скопје денеска на плоштадот „Македонија“ организира пречек на ракометарите на ракометниот клуб „Вардар“, по освоената титула во Европската лига на шампиони во Келн, Германија.
Ракометарите на РК „Вардар“ се очекува да слетаат на аеродромот „Александар Велики“ во 11:15 часот. Оттаму, тие ќе се упатат кон влезот на Скопје и ќе се движат по булеварот Александар Македонски до хотелот „Континентал“, па лево кон булеварот Гоце Делчев и кон зградата на МРТВ и ТЦ „Мавровка“.
Оттаму шампионите на РК „Вардар“ ќе се движат лево по булеварот Крсте Мисирков, па по булеварот Кочо Рацин кон зградата на Црвениот крст, а оттаму десно на улицата 11 Октомври, кон Порта „Македонија“.
Во 13 часот се очекува ракометарите да пристигнат на плоштадот „Македонија“, преку Порта „Македонија“.
По повод освојувањето на европската клупска шампионска титула на РК „Вардар“ ЈСП „Скопје“ организира бесплатен автобуски превоз за дочек на ракометарите на аеродромот „Александар Велики“.
Автобуси кон аеродромот „Александар Велики“ ќе тргнат од Ѓорче Петров, Кисела Вода и Аеродром.
Во Ѓорче Петров автобусот тргнува од црквата „Свети Петар и Павле“ во 9:30 часот, со застанување кај City Mall, Хотел „Карпош“ (наспроти Хотел „Карпош“ кон центар) и Македонски Пошти.
Во Кисела Вода тргнува од почетен терминал на линија 24 во 9:30 часот, со застанување на кај просториите на општината Кисела Вода, кај Транспортен Центар (Бензинска пумпа Макпетрол) и кај Алкалоид во Автокоманда.
Автобусот од Аеродром тргнува од ТЦ „Скопјанка“ (пред Тобако 2) во 9:30 часот, со застанување кај Т.Ц. Бисер, Пошта (Ново Лисиче), кај ФФМ во Ново Лисиче и кај слаткарница „Шарлота“ (автопат на излез од Маџари).
Ново на Сител
-
Директорот на ЦИА предупредува дека Украина би можела да ја изгуби војната до крајот на годинава ако Конгресот не ја одобри помошта за неа
-
Кривична пријава за директор на ЈП „Стрежево" Битола за злоупотреба на службена положба и злоупотреба на постапка за јавен повик
-
Притвор за еден од осомничените за кражбата на сефот од маркет во Црниче
-
ЦУК: Изминатото деноноќие 1 709 повици на 112, нема пожари на отворено
-
Израел изведе напади на југот на Сирија
-
МОН ги известило училиштата неработните денови да бидат одработени во саботи
-
Точно 353 балерини го соборија рекордот во „бурè“ танц на прсти
-
„Гугл мапс“ ќе може да го посочува најблискиот полнач за електромобили