Познати групите за Европското првенство за ракометарки

 

 

 Со ждрепката извршена попладнево во Гетеборг, беа одредени групите за  Европското првенство за ракометарки во Шведска кое ќе се одржи од 4 до 18 декември 2016.

 

Во групата А чиј домаќин ќе биде Стокхолм покрај домашната селекција на Шведска ќе играат репрезентациите на, Србија, Шпанија и Словенија.

 

Дуелите од Б групата ќе се играат во Кристијанштад ќе се сретнат: Холандија, Франција, Германија и Полска.

 

 

Во Малме кој ќе биде домаќин на Ц групата ќе играат: Црна Гора, Унгарија, Данска и Чешка.

 

И во последната Д група во Хелсинборг ќе бидат селекциите на: Норвешка, Русија, Романија и Хрватска.

 

Пласман во втората рунда нема да обезбеди само најслабо рангираната селекција во секоја од групите. 

 

Натпреварите од главната фаза, како и завршницата,  ќе се играат во „Скадинавиум арената’’ во Гетеборг.