Пожарот на прилепската депонија е локализиран, надлежните со сомнеж дека е подметнат
Пожарот на прилепската депонија кај селото Алинци моментално е локализиран, но не е изгаснат.
- Првата дојава за пожар беше во вторникот во попладневните часови, а во еден часот по полноќ беше локализиран. Изутрината од ЈКП „Комуналец“ ни јавија дека повторно гори, на друг крак на депонијата. Интервениравме со четири противпожарни возила со цистерни и со девет пожарникари. Пожарот е локализиран, но не е изгаснат. Со механизација на ЈКП „Комуналец“ и на други фирми се работи етапно за растргување на целото ѓубриште и етапно гаснење на површината која гори на наталоженото ѓубриште, објаснува Кристијан Момироски, командир на прилепската противпожарна единица.
Од прилепски „Комуналец“ се сомневаат дека пожарот е подметнат и на состанокот на Кризниот штаб побараат поголемо присуство на полицијата. Во меѓувреме се вршат контроли од страна на инспекциските служби, посебно за животна средина.
-Денешниот пожар ја стави депонијата во пламен, но од спротивната страна. Само може да кажам дека се сомневам дека е подметнат пожарот, но не знам од кои причини. Побаравме поголемо присуство на полицијата, а на депонијата имаме еден чувар. Опасноста е од еколошка природа. Се извиваа густи облаци чад, воздухот е загаден. Инспекциските служби, посебно за животна средина прават увид и контрола и добивме препораки како да постапуваме, изјави Рубин Абрашоски, директор на ЈП „Комуналец“ од Прилеп.
Ова е едно од најголемите предизвикувања пожар на депонијата кај Алинци стара речиси 50 години и е на четири хектари. В година треба да профункционира регионалната депонија кај Новаци.
Ново на Сител
-
Тема на денот со доктор Катерина Мирчовска, директор на кочанската болница
-
Со владиниот авион ќе бидат евакуирани македонците кои се наоѓаат во Израел
-
Трет ден конфликт меѓу Израел и Иран, Трамп и Путин ја оценија состојбата како „многу алармантна“
-
Кочани на приоритетната листа за министерот за здравство - Алиу вели дека нема да оперира, туку ќе менаџира со системот
-
Процесот на рехабилитација на повредените во пожарот во Кочани е долг, скап и макотрпен
-
Обвинителството им стои на располагање на семејствата на жртвите
-
Зајкова бара собраниска седница зад затворени врати за престојниот НАТО Самит
-
Откриени 5 гробници издлабени во камен на локалитетот Крклари дел од заштитеното подрачје Маркови Кули