Пожар во авто-отпад во тетовско Непроштено

Тетовските пожарникари попладнево интервенираа на голем пожар во авто- отпад во Непроштено.  Пожарот го гаснеле шестмина пожарникари, а била искористена водата од четири камиони.

-Околу 16 часот и 30 минути бевме на местото на пожарот. Беше потребно да се донесат повеќе камиони и да се гасне огнот брзо бидејќи беа зафатени хаварисани возила. Според моја проценка изгореа 30-тина возила од околу стотина кои ги имаше таму. Беше опасно поради честите експлозии од возилата, а пламените достигнуваа и до 20 метри во височина, изјави Ука Алити, командант на тетовските пожарникари.

Пожарот бил изгаснат за два часа.