Повредена жена пронајдена на автопат кај Демир Капија
Повредена жена била пронајдена синоќа на автопатот кај Демир Капија, информираат денеска од Секторот за внатрешни работи - Велес.
- Синоќа во 19:50 часот на автопатот А1 Демир Капија - Неготино, по наплатна станица „Демир Капија“, покрај десната коловозна лента, полициски службеници од ОВР - Неготино ја пронашле С.М., на возраст од 49 години од Република Србија, која била со повреди на телото. Извршен е разговор со нејзиниот сопруг Б.М., на возраст од 52 години од Република Србија, кој кажал дека враќајќи се со С.М. и нивните малолетни син и внука од одмор од Република Грција, С.М., која имала здравствени проблеми физички го нападнала, по што настанала физичка пресметка и тој го запрел возилото, ја оставил С.М. покрај патот и заминал со децата кон граничен премин „Табановце“, појаснија од СВР - Велес.
Од страна на Итна медицинска помош - Неготино на С.М. и била укажана лекарска помош, по што била пренесена во здравствена установа „Негорци“. За настанот бил известен јавен обвинител и се преземаат мерки за целосно расчистување на случајот.
Ново на Сител
-
Кривична пријава за предизвикување шумски пожар, сторителот е лишен од слобода
-
Дебатата меѓу Харис и Трамп закажана за 10 септември
-
Најсвежо во Лазарополе, најмногу дожд во Пожаране
-
Автобуска несреќа во Турција, 11 загинати, 24 повредени
-
Србија против Германија ќе се бори за бронзениот медал на Олимписките игри
-
Спринтерoт Тебого од Боцвана го освои златото на 200 метри во Париз
-
Без струја корисници од Сопиште, Зелениково и Студеничани
-
Одобрен е првиот документ на ОН против кибер криминалот