Повредена малолетничка и 23-годишник откако со возило излетале од пат кај Средно Водно

Малолетничка е тешко повредена откако возило излета од пат доцна синоќа кај Средно Водно. 

- На 21.08.2024 во 22.30 часот во СВР Скопје било пријавено дека на локалниот пат кој води кон Средно Водно, патничко возило „сеат ибица“ со скопски регистарски ознаки, управувано од А.К.(23) од Скопје, излетало надвор од патот. Во несреќата со тешки телесни повреди се здобила малолетна сопатничка од Скопје, а со телесни повреди се здобил возачот констатирани во Комплексот клиники „Мајка Тереза“, информираа од полицијата. 

Извршен бил увид од увидна екипа од СВР Скопје.