Повреден велосипедист во Тетово

Ауди со тетовски регистерски таблички удри во велосипедист кој итно бил пренесен во болница. Како што стои во билтенот на  МВР, вчера  во 09,45 часот во Тетово на кружинот тек од улицата „Иво Рибар Лола“ со улицата „Мирче Ацев“ патничко моторно возило “Ауди“ со тетовски регистерски таблици управувано од Н.И.(41) од с.Џепчиште-тетовско, удрило во велосипед управуван од Ј.П.(72) од Тетово. Во незгодата со тешки телесни повреди се здобил велосипедистот кој бил пренесен во Клиничката болница во Тетово и по укажаната лекарска помош бил задржан на понатамошно лекување.

Извршен бил увид на местото на настанот и се работи на целосно расчистување на случајот.