Повисоки продажните цени на производителите на индустриски производи
Продажните цени на производителите на индустриски производи, вкупно, во август годинава се повисоки за 1,1 отсто на месечно ниво, а за 4,0 проценти на годишно ниво.
Според податоците на Државниот завод за статистика, во споредба со јули 2019 година, продажните цени на производителите на индустриски производи, вкупно, се пониски во секторот Рударство и вадење на камен за 1,2 отсто, во секторот Снабдување со електрична енергија, гас, пареа и климатизација за 0,2, а во секторот Преработувачка индустрија се повисоки за 1,4 отсто.
Во споредба со минатогодишниот август, продажните цени на производителите на индустриски производи, вкупно, се пониски во секторот Рударство и вадење на камен за 4,2 отсто и во секторот Снабдување со електрична енергија, гас, пареа и климатизација за 1,2, а во секторот Преработувачка индустрија се повисоки за 5,1 отсто.
Продажните цени, пак, на производителите на индустриски производи на странските пазари во август годинава се повисоки за 1,6 отсто на месечно ниво, а за 5,6 проценти на годишно ниво.
Во споредба со претходниот месец, продажните цени на производителите на индустриски производи на странските пазари се пониски во секторот Рударство и вадење камен за 1,7 отсто, а во секторот Преработувачка индустрија се повисоки за 1,9 отсто.
Во споредба со август лани, продажните цени на производителите на индустриски производи на странските пазари се пониски во секторот Рударство и вадење на камен за 8,2 отсто, а во секторот преработувачка индустрија се повисоки за 7,0 проценти.
Ново на Сител
-
Две лица намерно прегазиле и истепале жена во Тетово
-
19-годишник од Охрид приведен за кражба на мопед
-
Мисајловски и Агелер разговараа за претстојните билатерални консултации во областа на одбраната
-
Началникот на ГШ на Армијата Лафчиски на конференција на САД-Јадранската повелба во Тирана
-
Уставниот суд поведе постапка за „балансерот“
-
Судскиот совет одржа јавна расправа по барање за утврдување одговорност против судијата Лазар Нанев
-
Во „Синџир“ обвинети петнаесет лица вработени во УЈП
-
Адеми: Недозволиво е да се носат законски измени по примерот на Кривичен, без да се консултира судската фела