Потпишан договорот за изградба на 14 училници во гевгелиската гимназија
Доградбата на западното крило од постојниот објект на гимназијата во Гевгелија, со новите 14 училници, ќе почне веднаш по Божикните празници според условите од договорот што денеска го потпишаа градоначалникот на општина Гевгелија Сашо Поцков и претставници на градежната фирма „Еуроинг“ од Гевгелија која на меѓународниот тендер понуди најповолни услови за изведување на работите.
-Се работи за уште еден значаен проект чија реализација ќе стартува на почетокот од идниот месец, односно веднаш по празниците. Изградбата на новите училници ќе ги подобрат условите за работа и ќе овозможат едносменско изведување на наставата кое на средношколскиот центар ќе му обезбеди голема енергетска заштеда, рече градоначалникот Поцков.
Беше најавено дека паралелно со ова во гимназијата во Гевгелија ќе се изврши и реконструкција на угостителскиот дел и ресторанот на училиштето. Реализацијата на проектот што треба да заврши за една година ќе чини околу 38 милиони денари од кои дел се обезбедени преку заем од Светска банка.
Според градоначалникот Сашо Поцков, значајно е да се одбележи дека проектот ќе се реализира со заштедените 23 милиони денари од блок дотациите што училиштето ги добивало изминативе осум години.
Ново на Сител
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација
-
Претседателски избори 2024: Утре први гласаат членовите на ИО кои ќе ги спроведат изборите во дијаспората