Постигнат договор помеѓу побунетите војници и Владата на Брегот на Слоновата Коска

Војниците кои организираа бунт во Брегот на Слоновата Коска постигнаа договор со владата доцна синоќа за решавање на спорот со плаќањето на бонуси, соопшти нивната преговарачка делегација, цитирана од Би-Би-Си.

Договорот меѓу владината делегација, предводена од министерот за одбрана Ален Ришар Донуаи, и бунтовници беше постигнат на преговори во вториот по големина град Буаке.

Претходно војниците воспоставија контрола над влезните и излезните точки во градовите Буаке и Корого во Брегот на Слоновата Коска.