Поставено прво „соларно дрво“ во Карпош
Општина Карпош постави прво „соларно дрво“ на кејот на реката Вардар, во близина на „Алпинистичката карпа“.
Станува збор за инсталација преку која со обновлива енергија, граѓаните ќе можат да ги полнат своите електронски апарти, мобилни телефони, лаптопи, таблети и електрични тротинети.
Од Општината информираат дека оваа инвестиција е овозможена од Германското здружение за меѓународна соработка (ГИЗ).
Општинските власти посочуваат дека локалната самоуправа се стекнала и со шест електрични тротинети, кои ќе бидат користени од администрацијата како превозни средства за тековните потреби.
– Општина Карпош инвестира во проекти кои се од суштинско значење за заштита на животната средина, а грижата за околината е еден од врвните приоритети на локалната самоуправа, соопштуваат од Општина Карпош.
Раководителот на Одделението за енергетска ефикасност Љупчо Димов, нагласил дека во иднина се планира и поставување на бесплатна интернет мрежа на оваа локација.
Ново на Сител
-
Во БиХ уапсени три лица кои барале пари за информација за исчезнатото девојче во Србија
-
Продолжуваат предизборните коалицирања
-
Марш на трансродовите лица
-
Во Собранието седница на Комисијата за одбрана и безбедност
-
Најмалку 38 лица загинаа во израелските напади врз сирискиот град Алепо
-
Над 20 луѓе повредени во сообраќајна несреќа во Германија
-
Мериленд доби помош од 60 милиони долари по уривањето на мостот во Балтимор
-
Сончево и топло со мала локална облачност