Посмртните останки на Душко Чифлиганец ќе бидат изложени утре во црквата „Св. Јован Крстител“ во Аеродром

На ден среда, 6 август, во 14 часот, во православниот храм “Св. Јован Крстител” во општина Аеродром кај мостот Близнаци на реката Вардар, изграден под ктиторство на семејството Чифлиганец, ќе бидат изложени посмртните останки на прерано починатиот Душко Чифлиганец.

Опело ќе отслужат свештени лица предводени од Поглаварот на МПЦ — ОА, Архиепископ Охридски и Македонски г.г Стефан.

Семејството Чифлиганец изразува огромна благодарност за изразеното сочувство од многубројни граѓани, пријатели, роднини и соработници од Македонија и надвор од границите на државата.