Поради откуп киднапирани двајца ученици на Кипар
Барање откуп бил мотивот и целта на 35-годишен маж, кој вчера киднапираше двајца ученици во кипарскиот град Ларнака, а по обемната акција на полицијата, момчињата беа ослободени по околу осум часа.
Според кипарската полиција, осомничениот киднапер денеска го признал делото и рекол дека тоа го сторил за да бара откуп.
На киднаперот му беше одредена осумдневна мерка притвор.
Според кипарските медиуми, на 10-годишните Филипос и Темистоклис, кои биле со уште друга група ученици, вчера наутро пред нивното училиште им пришол сега веќе уапсениот маж и им рекол дека е нов наставник, дека има проблем со раката и побарал помош од нив за пренесување на книги.
Двете момчиња тргнале кон неговиот дом што се наоѓал во близина на училиштето, а моментот бил снимен од безбедносни камери и видеото денес го објави кипарската телевизија „Сигма“.
Откако учениците не се појавиле на настава, била известена полицијата и родителите, а нивните фотографии објавени во медиумите. По околу осум часа, кипарската полиција, по добиени информации од граѓани, ги пронашла 10-годишните момчиња и ги ослободила, а киднаперот бил уапсен.
Командирот на кипарската полиција потврди дека учениците немале никакви физички повреди.
Дел од кипарските медиуми објавија дека 35-годишниот на учениците им дал сок во кој имало средства за смирување.
Ново на Сител
-
ВИ: „Мона Лиза“ рапува
-
УКИМ донесе Одлука за основање Фондација „Горан Стефановски“
-
Кари ја освои наградата „Џери Вест“
-
Денвер трет пат го совлада ЛА Лејкерс
-
Први мај и вторитот ден на Велигден неработни за сите граѓани, а Велики петок за граѓаните од православна вероисповест
-
На западот на Австралија 160 насукани, а 26 угинати китови
-
Паднаа перките на познатата ветерница над клубот „Мулен руж" во Париз
-
Атлетико сака да ја продолжи соработката со Витсел