Поради градежни работи, Западен и Северен булевар во Кавадарци затворени за сообраќај на теретни возила

Општина Кавадарци денеска започна со изведување на градежни работи на Северен  булевар, на потегот од спојот со булеварот „Никола Минчев” до спојот со Западен булевар, како и реконструкција и проширување на дел од Западен булевар, согласно основниот сообраќаен проект за режимот на сообраќај.

- До крајот на годината, Западен и Северен булевар ќе бидат затворени за сообраќај за тешки товарни возила, а тешките товарни возила се упатуваат да го користат  регионалниот пат Прилеп – Градско, преку Мотел Дреново, соопштија од општинската прес служба.