Свет
25. November 2016 - 8:54

Поплави во северозападниот дел на Италија

Силен дожд синоќа предизвика поплави во северозападна Италија, при што многу патишта, училишта и фирми денеска останаа затворени, јавија локалните медиуми. 

Најтешко се погодени реоните Пијемонт и Лигурија, во близина на границата со југоисточна Франција, која исто така е погодена од невреме и дождови. 

Италијанските телевизии објавија видеа на кои се гледа дека се излила реката Танаро поради што градот Гаресио во провинцијата Кунео е „отсечен од светот“. 

При поплавите кои го погодија овој регион во 1994 година настрадаа 70 лица.