Попладне нестабилно со пороен дожд, грмежи и ветер
Попладнево во северозападните и источните делови, како и во Пелагонија, има локален развој на нестабилна облачност со пороен дожд, грмежи и засилен ветер. Во текот на вечерта времето ќе биде умерено облачно и топло со локален развој на нестабилна облачност проследена со пороен дожд и грмежи.
Како што соопшти УХМР, поради големата енергија во атмосферата можна е и изолирана појава на поинтензивни процеси во форма на невреме со град и силен ветер. Во втората половина од ноќта атмосферата постепено ќе се стабилизира.
И во скопската котлина до крајот на денов локално ќе има пороен дожд, грмежи и засилен ветер.
Времето утре претпладне ќе биде сончево и топло, а попладне со локален развој на нестабилна облачност проследена со пороен дожд и грмежи. Утринската температура ќе се движи од 12 до 21, а дневната од 30 до 38 степени. УВ-индексот ќе изнесува 8.
Во Скопје сончево со мала до умерена облачност. Утринската температура ќе биде 20, а дневната 35 степени.
И в петок во попладневните часови на места ќе има пороен дожд и грмежи, а локално во источните делови ќе има услови за појава на поинтензивни процеси во форма на невреме. Дневните температури во петок ќе се намалат за неколку степени. Потоа од сабота до вторник следува период на сончево, стабилно и повторно многу топло време.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка