Македонија
12. December 2018 - 20:31

Помалку од половина затвореници штрајкуваат во „Идризово“

Околу 270 затвореници вечерва штрајкуваат со глад барајќи да бидат опфатени со најавениот закон за амнестија за обвинетите од 27 април во македонското Собрание.

Од затворот „Идризово“ за МИА изјавија дека бројката на затвореници кои одбиваат храна е намалена за 60 од вчера кога штрајкуваа 330 затвореници.

Штрајкот на затворениците почна пред два дена кога храна одбија скоро сите затвореници но по најавата на премиеорт Зоран Заев дека амнестијата е само за учесниците во настаните од 27 април, бројот на штрајкувачи е намален на една третина.