Полска прогласи вонредна состојба на границата со Белорусија
Полскиот претседател Анджеј Дуда прогласи вонредна состојба во делови од двата региона кои граничат со Белорусија, изјави денеска неговиот портпарол, како одговор на големиот прилив на мигранти од соседна Белорусија.
Европската унија го обвинува белорускиот претседател Александар Лукашенко дека користи мигранти од земји, како што се Ирак и Авганистан, за „хибридна војна“ со цел да изврши притисок врз Унијата да ги повлече санкциите воведени против Минск.
Полска се обидува да ја зајакне својата граница со поставување бодликава жица и распоредување дополнителни безбедносни сили.
– Ситуацијата на границата со Белорусија е тешка и опасна. Денес, ние како Полска, бидејќи сме одговорни за нашите сопствени граници, но и за границите на Европската унија, мора да преземеме мерки за да ја гарантираме безбедноста на Полска и ЕУ, истакна портпаролот на претседателот, Блажеј Спичалски на прес-конференција.
Полската гранична стража вчера објави дека забележала 3.500 обиди за илегално преминување на границата само во август, од кои 2.500 успеала да ги спречи.
Владата нагласи дека мора да биде подготвена за можни „провокации“ за време на воената вежба на територијата на Русија и Белорусија во близина на границата со Полска. Таа воена вежба ќе започне на 10 септември. Во маневрите „Запад-2021“ ќе учествуваат илјадници војници, тенкови, артилерија и авиони.
Ново на Сител
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање