Поликлиниката Чаир ќе добие донација амбулантно возило
Граѓанското движење АВАЈА денеска ќе донира амбулантно возило на Поликлиниката Чаир во состав на ЈЗУ Здравствен дом на Скопје, за покривање и опслужување на граѓаните на Шуто Оризари, Чаир и Бутел.
-АВАЈА во текот на 2021 година потпиша меморандум за спроведување ургентна интервенција за жителите на Шуто Оризари – донирање амбулантно возило и вработување две медицински сестри Ромки. Ова е втора реализација на иницијативите предвидени во пакетот здравствена помош. Со првата иницијатива е дадената поддршка на гинеколошката амбуланта во Шуто Оризари. До крајот на оваа година ќе биде реализирана и третата иницијатива – работно ангажирање на две медицински сестри Ромки за период од 24 месеци во некое од одделенијата во рамки на Здравствениот дом Скопје, информира АВАЈА.
Најавуваат дека на промоцијата на донацијата пред Амбулантата Шуто Оризари ќе присуствуваат Жељко Јовановиќ, директор на Канцеларијата за ромски прашања при Фондацијата Отворено Општество – Берлин, Елвис Шаќири од Институт за истражување и анализа на политики – Ромалитико, проф. д-р. Виктор Исјановски, директор на ЈЗУ Здравствен дом на Скопје и вицепремиерот за европски прашања Бојан Маричиќ.
Ново на Сител
-
ФК Силекс со бесплатен превоз за домашниот натпревар со ФК Дечиќ
-
Маж од Скопје со 1.34 промили алкохол во крвта возел туѓ автомобил во спротивна насока, предизвикал сообраќајка
-
Трамп го свикува Национален совет за безбедност заради Иран
-
Победнички старт на Ивановски на челинџерот во Франција
-
Владата ја усвои новата Стратегија за конфискација на незаконски стекнат имот
-
Разговор Муцунски-Калас за евроинтеграцијата, регионалното поврзување и состојбата на Блискиот Исток
-
Почина Владимир Лапе, еден од доајените на македонското новинарство
-
Жител на Криволак предизвикал пожар палејќи стари предмети на нива