Македонија
8. March 2016 - 10:58

Полициски службеници во Кочани даруваа крв

Во просториите на Полициската станица во Кочани се спроведе првата крводарителска акција годинава. Во соработка со Кабинетот за трансфузиологија и Црвениот крст на Кочани, и полициските службеници од Кочани се вклучија во акцијата за дарување крв.
 
- Ова е прва акција за годинава. На повикот за доброволно дарување крв се пријавија 35 полициски службеници, а крв даруваа 24. Соработката со Министерството за здравство ќе продолжи и годинава,  за што веќе подготвивме и акциона програма за реализирање акции за крводарување, изјави Санде Спиров, полициски службеник од Полициската станица во Кочани.
 
Тој додаде дека според програмата, наредната акција за крводарување во Полициската станица во Кочани ќе биде спроведена во јуни, а до крајот на годината ќе бидат организирани уште две крводарителски акции.