Полицијата влезе на Онкологија, приведен поранешен директор

Полициски екипи утрово влегле на клиниката за Онкологија во Скопје. Според неофицијални информации од истражните органи, се вршат претреси во канцелариите на тројца лекари од клиниката. Постапката е по наредба на обвинителството.

- Се преземаат дејствија по наредба на јавен обвинител. Штом имаме повеќе информации ќе споделиме, велат од ОЈО за Сител. 

Екипа на ТВ Сител е пред клиниката за Онкологија. Клиниката работи вообичаено, а пациентите ги вршат своите потреби.

Очевидци на случувањата пред Онкологија велат дека во 08:30 часот полициски службеници со лисици на рацете го изнеле еден од поранешните директори на Клиниката.

Со постапката според неофицијални информации на ТВ Сител опфатени се и поранешен економски директор на клиниката како и секретарка на поранешен директор.