Полицијата ги има обезбедено момчињата кои тепаа девојка во Штип

Полицијата интензивно работи на случајот со насилство во Штип. По објавеното видео на социјалните мрежи, од МВР велат дека веќе се обезбедени двете момчиња кои ја тепаат девојката и дека многу брзо полицијата ќе излезе со официјалните информации.

На социјалните мрежи веќе се објавени и имињата на насилниците, но за нив официјална потврда од МВР се уште нема. 

Во видеото кое интензивно го споделуваат корисниците на Facebook може да се видат две млади момчиња кои тепаат девојка прашувајќи ја дали е бремена. Се уште нема информации кога е снимено видеото и како се случило две лица физички да малтретираат девојка.