Полицајците дозволија демонстрантите да протестираат пред Влада
Протестот во организација на граѓанската иницијатива „Протестирам“ што денеска почна од пред просториите на Специјалното јавно обвинителство (СЈО) се пресели на платото пред Владата на Република Македонија откако полицијата тоа го дозволи. Пред зградата на Владата има силно полициско обезбедување
И вечерва се бара оставка на претседателот Ѓорге Иванов, но има и барање за итно повлекување на одлуката за избори на 5 јуни, како и за почнување процес за избор на експертска влада.
За разлика од претходните три дена кога се носеа пароли „Нема правда, нема мир“, сега главниот слоган на протестот е „Скопје-цел аболиран град“.
Демонстрантите, првично од пред СЈО се упатија кон Канцеларијата на претседателот Иванов и кон Собранието на Република Македониј, а силен полициски кордон ги спречи да се приближат до седиштето на ВМРО-ДПМНЕ.Силно полициско обезбедување имаше и околу зградата на Собранието и не им се дозволи пристап, но сепак им беа поделени цвеќиња на полицијаците.
Демонстрантите потоа се упатија кон плоштадот „Македонија“, а дел од нив со јајца фрлаа кон „Порта Македонија“. Од плоштадот „Македонија“ преку Камениот Мост, се упатија кон плоштадот „Филип Втори“, но на крајот на мостот беа вратени назад од полицијата по што се упатија кон зградата на Владата. Засега протестите се одвиваат мирно.
Ново на Сител
-
Обвинети во притворен центар во Русија зеде двајца полицајци како заложници
-
Најмалку 10 луѓе, меѓу кои и деца, се застрелани во приградски воден парк во областа Детроит
-
Сончево и топло со локална облачност, температура до 35 степени
-
Сиљановска Давкова ќе се обрати на Самитот за мир во Украина, што се одржува во Бургеншток, Швајцарија
-
Втор ден од мировниот самит за Украина во Швајцарија
-
Од 9 часот утрово во прекин сообраќајот од излез Нов Дојран до влез Стар Дојран
-
ВМРО-ДПМНЕ треба да ги утврди кандидатите од коалицијата „Твоја Македонија“ за членови во Владата
-
Честитка од претседателката Сиљановска Давкова по повод муслиманскиот празник Курбан Бајрам