Поголема посетеност на Народниот музеј и спомен-куќите во Велес
Годинава е зголемен бројот на посетители од државава и странство на Спомен-куќата на поетот и револуционер Коста Солев Рацин, Народниот музеј и на Спомен-костурницата во Велес.
Како што информира кустосот во спомен-куќите Весна Трипчева, во првите месеци годинава и за неколку дена од мај, Спомен-куќата на Рацин ја посетитиле 1.075 посетители, главно групи на ученици од земјава кои организирано доаѓаат во Велес. Во истиот период лани имало 500 или двојно помалку посетители.
- Учениците се интересираат за животот на Рацин, а прашуваат и за неговата смрт. Посебно интересна им е гостинската соба на Рацин и неговото семејство, појасни Трипчева.
Лани за цела година во спомен-куќите во Велес имало 1.800 посетители. Трипчева информира дека посетителите во Народониот музеј се воодушевваат од новопоставената збирка на накит од праисторијата до денес, а се интересираат и за други експонати од археолошката, етнолошката и историската постановка на музејот.
- Народниот музеј во Велес лани имал 1.774 посетители, а во првите неколку месеци годинава дури над 1.300 посетители од земјава и странство, рече Елица Николова, директорка на Народниот музеј.
Според неа, зголемениот број посетители е резултат на се поголемиот број на туроператири кои одлучуваат групите туристи да ги носат во посета на културно-историските знаменитости на Велес.
- Годинава заврши надворешната и внатрешна реконструкција на Спомен-костурницата од НОВ, која е исто така интересна за посетителите на Велес, информира Николова.
Ново на Сител
-
Разбојникот кој ограби казино со автоматско пушка е полицаец
-
Демири: Ако Клиниката за токсикологија не била осигурена, менаџментот треба да преземе одговорност
-
До 30 април на полноќ пријавување на болните и изнемоштените за гласање на изборите на 8 мај
-
Гевгеличанка лажела дека е царински застапник и измамила Грк за 2.000 евра
-
Тошковски: Поддршка до специјалните единици бидејќи тие се првиот столб на заштитата на безбедноста и суверенитетот на државата
-
Пет клучни донатори вложија повеќе од 50 милиони долари во претседателската кампања на Трамп
-
Штипскиот Економски факултет го одбележа денот на македонскиот денар
-
Националното биро за осигурување: Цената на авто осигурувањето е непроменета од 2008 година, реално е покачувањето