Поцрвене реката Брегалница
Реката Брегалница поцрвене. Од саботата во текот на попладневните часови до вечера попладнето од каналот кај поранешниот Текстилен комбинат Македонка, некоја фирма испуштила црвена боја.
Спортско риболовното друштво (СРД) „Брегалница“- Штип го извести, Владимир Черкезов Државниот инспектор за животна средина, кој зеде мостри од реката, кои веднаш се испратени на анализа во Скопје.
Секретарот на СРД „Брегалница“, Благој Димитров вели дека ова не е првпат реката да е обоена во некоја боја.
-Немаме регистрирано помор на рибата, но жално е што цел Штип пие вода од бубарите кои се лоцирани под поранешниот текстилен комбинат „Македонка“. Ова не е првпат Брегалница да е обоена во некоја боја, вели Димитров.
Државниот инспектор за животна средина , Владимир Черкезов вели дека во кругот на поранешна „Македонка“ има четири фирми кои работат со боење на материјали.
-Кој е причинителот не знаеме. Нема помор на река Брегалница, а единствено знаеме дека е забрането испуштање на обоени материи во Брегалница, вели Черкезов.
Тој истакна дека мострите од водата се испратени, а во рок од седум дена се очекува да се добијат и анализите, со што ќе се утврди која инсталација испушта боја во реката Брегалница.
Ново на Сител
-
173 санкции за брзо возење
-
Силјановска Давкова ќе се сретне со со евроамбасадорот Гир и италијанскиот амбасадор Силвестри
-
ЦУК: Забрана за движење кај стрелиштето „Леково“, пожари во Кавадарци и Велес
-
Путин во посета на Кина на 16 и 17 мај
-
Синдикатот на просветни работници во Србија в четврток ја прекинува работата во сите училиштата поради загрозена безбедност
-
Герапетритис: Бараме усогласување со Договорот од Преспа, не е прашање на самоопределување, туку почитување на договореното
-
Неексплодирана рачна бомба пронајдена на улица во Демир Капија
-
Четиринаесет жртви во бомбардирањето на станбена зграда во близина на бегалскиот камп Нусејрат