Почнува судењето за двојното убиство во Охрид

Пред Основниот суд во Охрид денеска треба да се одржи првото рочиште од процесот во врска со двојното убиство што на 22. август минатата година се случи во угостителскиот објект „Император“ на улицата „15-ти Корпус“, кога со огнено оружје смртно беа застрелани сопственикот на ресторанот Васил Р(56). и лицето Ромео Ѓ(38).

Осомничениот за убиството Б.П.(31), жител на Охрид, кој воедно е првообвинет во процесот, побегна од местото на злосторството и беше недостапен за органите на прогонот речиси шест месеци. После распишана меѓународна потерница тој беше приведен во Албанија, а подоцна екстрадиран во Македонија.

Според истрагата, со првообвинетиот за време на убиството имало уште едно лице, кое беше приведено од полицијата уште истиот ден.