Почнува „Штипската пастрмалијада“
На градскиот стадион и во наслебата „8-ми Ноември“ во Штип од вечерва почнува осмото издание на манифестацијата „Штипска пастрмалијада“.
Како што информира портпаролот на Општина Штип, Драган Ристов поставени се сцената и штандовите на 27-те угостители и три винарии.
„Пастрмалијадата“ ќе започне неофицијално по 18 часот со промоција на маскотата, а во 19.30 часот е предвидено и официјално отворање со обраќање на градоначалникот, Илчо Захариев. Веднаш потоа следи претставувањето на џиновската пастрмалија и трката во брзо јадење пастрмалии. Во музичкиот дел, вечерва ѕвезда на вечерта е фолк пејачот Јордан Митев со неговиот оркестар.
Утре на пладне е предвидена трката на келнери, а во 19 часот ќе следи прогласувањето на најдобриот штанд. Како музички имиња кои ќе ги забавуваат посетителите се штипскиот бенд Црна Тачка, македонската пејачка Калиопи и Жељко Самарџиќ, вели Ристов.
Се очекуваат над 100.000 посетители на оваа манифестација. Угостителите велат дека воведена е и строга контрола за изгледот и квалитетот на пастрмајлиите, кои ќе се продаваат на штандовите.
Според Ристов, голем број гости од земјава и странство се очекуваат во недела, кога во 22 часот е предвиден настап на Ферус Муставоф кој ќе биде најава во концертниот настап на српската фолк пејачка Цеца Ражнатовиќ, која е ѕвезда на манифестацијата.
Општина Штип апелира штипјани да не излегуваат со своите возила, со цел да има доволно паркинг места во градот за гостите кои ќе дојдат, а ќе има и изменет режим на сообраќајот.
Ново на Сител
-
ДИК: Oбработени 96,37% од гласовите, Силјановска Давковa 351.826 - Пендаровски 174.658
-
ДИК: Oд обработени 90,18% oд гласовите Силјановска Давкова 325.150, Пендаровски 162.062
-
Ковачевски: Знам дека многу наши поддржувачи се разочарани, но сега не е време за откажување
-
ДИК: Oд обработени 87,17% oд гласовите Силјановска Давкова 315.638, Пендаровски 156.406
-
Мицкоски: Победуваме со над 170.000 гласа разлика
-
Пендаровски: Резултатите не се такви какви што ги очекувавме
-
Пендаровски: Резултатите не се такви какви што ги очекувавме
-
Димитриевски: Испишуваме историја, се роди 3-тата политичка сила во македонскиот политички блок