Почнува музичкиот маратон „Д фестивал“
Во Дојран од денеска до недела ќе се одржува шестиот „Д Фестивал“ - тридневен музички маратон кој со досегашните педесетина домашни и странски изведувачи станува препознатлив во регионот.
Покрај петте бини, „Д Фестивал“ ќе има и нова концертна локација Church Stage - во црквата „Свети Илија“ во Стар Дојран, на падините над фестивалскиот камп.
На првата фестивалска вечер таму ќе настапи Елена Христова од етносоставот „Баклава“ и виртуозот на канон Ибрахим Џенгис. Во сабота ќе настапи „Љубојна“ со проектот „Акустично глаголицирање или Љубојна на тацна“. Вечерта ќе биде изведен и поетско-музичкиот перформанс на триото „Игла и конец“ на Тихомир Јанчовски, Добрила Грашеска и Зоран Тортевски.
Во новиот фестивалски амбиент во недела џез-концерт ќе има Гоце Стевковски трио. Музичката програма на оваа бина ќе заврши со настапот на Волтер Мани Ал Хаким, кого организаторот го најавува како најпознат непознат уметник, актер и музичар.
Програмата на бината Lake Awake е посветена на електронската музика, а за затворањето на фестивалот на оваа сцена во недела ќе бидат задолжени диџеите на Канал 103 - Мирко Попов, Илина Ангел, Шурбе, Виолета Качакова, Александар Гавровски и Марсо.
Меѓу учесниците на годинашниот „Д Фестивал“ се и: Сигма, Роџер Санчез, Бернајс пропаганда, Дубиоза колектив, Хладно пиво, Обојени програм, Лолобриџида, Фолтин, Паркети, Палиндром, Чиста околина, Тхе Ред степ...
„Д Фестивал“ годинава се одржува во рамки на манифестацијата „Дојран - град на културата 2016“. Според информациите од Туристичкото биро, викендов во Дојран се очекуваат најмалку 30.000 гости од Македонија и од странство.
Ново на Сител
-
Украина ги добила првите борбени авиони Ф-16 кои ги бараше со месеци, тврдат американски претставници
-
Нов повик за доброволци синоќа објави Кризниот штаб во Пехчево
-
Полициски хеликоптери исфрлија над 166 тони вода врз пожарите кај Пехчево и Старо Нагоричане
-
Повредени пожарникари кршеле шофершајбна за да излезат од возилото додека огнот беснеел кон нив
-
Продолжува амандманската расправа за ребалансот на Буџетот
-
Американските демократи многу позадоволни од Камала Харис како претседателски кандидат отколку од Бајден
-
Санкционирани 185 возачи во Скопје
-
Во Крушево почнуваат чествувањата за 121 година од Илинденското востание и Крушевската Република