Почнува кампања за заштита од дискриминација врз сите основи
Кампања за заштита од дискриминација врз сите основи, вклучувајќи ја и сексуалната ориентација и родовиот идентитет почнуваат од денеска Асоцијација за здравствена едукација и истражување - ХЕРА и Коалицијата Сексуални и здравствени права на маргинализираните заедници, а со поддршка на Холандската амбасада.
Главната порака на кампањата е „Ако е вообичаено, не значи дека е праведно. Три пати мери, еднаш сечи, но никогаш не дискриминирај“.
Програмскиот директор на ХЕРА, Драшко Костовски денеска на прес-конференција рече дека во проектот се вклучиле три општини Штип, Куманово и Струмица, чии совети формирале локални координативни тела за заштита од дискриминација, чија задача е да ги поттикнат граѓаните да пријавуваат дискриминација.
- Седма година откако го имаме Законот за заштита од диксиминација, се соочуваме со малиот број претставки поврзани со дискриминација. Има три основи за дискриминација и вознемирување. Едната се однесува на работно место и е заснована на родова дискриминација, втората се однесува на дискриминација поврзана со социјален статус, а третата е вознемирување поради родово идентификување и сексуална ориентација, посочи Костовски.
Нагласи дека во наредниот период ќе организираат трибини во пет градови и ги повика општините да се приклучат кон нивната иницијатива.
Координаторот на проектот на ХЕРА, Драгана Дрндаревска истакна дека иако граѓанските организации на почетокот на донесување на Законот побарале да се усвојат измени кои ќе ја вклучуваат сексуалната ориентација и родовиот идентитет како основи за дискриминација, тоа досега не е направено.
- Она што е позитивно на ниво на политика е што Министерството за труд и социјална политика оваа година донесе стратегија за заштита од дискриминација која првпат ја вклучува сексуалната ориентација и родовиот идентитет како заштитени карактеристики и основи за дискриминација. Од ова може да цениме дека генерално имаме некакво позитивно поместување на ниво на политики, додаде Дрндаревска.
Ново на Сител
-
Земјотрес со јачина од 3,4 степени во близина на Охрид
-
Патриоти за Европа нова група во ЕП или само ново име за десничарската Идентитет и демократија
-
Папата на католичка конвенција во Трст: Демократијата во денешниот свет не е во многу добра состојба
-
Илјадници Израелци денеска протестираа на автопатот меѓу Ерусалим и Тел Авив, блокирајќи крстосници и палејќи гуми
-
Следува период на многу топло време, температурата до 40 степени
-
Грчката фрегата во Аденскиот залив интервенирала и соборила дронови
-
Русија тврди дека уништила два лансири за ракети „Патриот“ во регионот на Одеса
-
Околу 50 лица се удавија, од кои седум деца, во руските реки, езера и мориња во последните 24 часа