Македонија
5. July 2016 - 15:00

Почнува 13-от Интернационален фолклорен фестивал „Велес 2016“

Со традиционално дефиле на фолклорните ансамбли низ велешките главни улици, вечерва  ќе почне 13-от Интернационален фолклорен фестивал „Велес 2016“, кој ќе трае до 9-ти јули.

Свеченото отворање на фестивалот на фолклорот е закажано вечерва во 20:30 минути во амфитеатарот на Младинскиот парк во Велес.

Како што  информира за медиумите претседателот на Организацискиот одбор, Томе Јаневски годинава на фестивалот ќе земат учество 21 ансамбли од Македонија, Мексико,Србија, Црна Гора, Турција, Романија, Бугарија, Полска, Грција, како и македонски ансамбли од Австралија.

На фестивалот ќе настапат и македонските ансамбли „Китка“ од Истибања, „Бојмија“ од Гевгелија, „Ацо Ѓорчев“ од Неготино, Младинскиот клуб на Мажоретки од Скопје, Младинскиот црковен хор од Велес, како и велешките фолклорни ансамбли „Керамичар“,„Коле Недлековски“,„Вила зора“, „Распеани велешани“ и „Распеани пензионери“.

Интернационалниот фолклорен фестивал „Велес 2016“ според организаторите прераснува во еден од најзначајните  фолклорни фестивали во Македонија, на кој се презентира нашата културна традиција преку народните ора и песни.

Ново на Сител