Почна реконструкцијата на улицата „Горно Лисиче“
Почна реконструкцијата на една од најголемите улици во Горно Лисиче, „Горно Лисиче“. Почетокот на реконструкцијата денеска го означија градоначалникот на општина Аеродром, Ивица Коневски и директорот на Јавното претпријатие за државни патишта, Александар Стојанов.
Станува збор за проект кој опфаќа обнова на коловозната конструкција на улицата „Горно Лисиче“ на потегот од „12 Македонска бригада“ до црквата „Св. Петар и Павле“.
Вкупната должина на реконструкцијата што ќе ја опфати улицата „Горно Лисиче“ е околу 1,7 километри. Вкупната инвестиција за оваа улица изнесува околу 14 милиони денари.
Реконструкцијата, исто така, ќе опфати и нивелирање шахти, како и санирање прекопи. Покрај обновувањето на оваа улица со нов асфалтен слој со широчина од околу седум метри, ќе се обноват и тротоарите со бекатон-плочки.
Минатиот месец во Горно Лисиче, исто така, почна обнова и на коловозната конструкција на улицата „Тодор Чангов“, поточно од „Вардарска“ до „Ернест Телман“ во должина од околу еден километар и 660 метри.
Со обновувањето на двете улици во Горно Лисиче се очекува значително да се подобрат условите за сообраќај во оваа населба на општина Аеродром.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација