Почна реконструкцијата на државното музичко училиште во Битола
Стручни тимови на НУ Завод и Музеј - Битола ја почнаа реконструкцијата на фасадите на Државното музичко училиште, објект изграден во 1907 година во Битола.
- Проектот за санација, адаптација и конзервација и реставрација на фасадите на Музичкото училиште во Битола е заеднички проект на Министерството за образование и наука и Министерството за култура на Република Македонија, истакна Зоран Алтипармаков, директор на НУ Завод и Музеј-Битола
Тој додаде дека Министерството за образование и наука го планирало делот за санација и внатрешна адаптација на училиштето, додека делот на конзервација и реставрација на фасадите и екстериерот се дел од Акцискиот план на Владата за обновување на фасади.
- По добивањето на конзерваторското одобрение, нашата национална установа доби задача да изврши конзервација и реставрација на фасадите за што спроведе тендерска постапка, избра најповолен понудувач и со создавањето на оптимални временски услови почнавме работа, потврди Алтипармаков.
Државното музичко училиште во Битола е формирано во 1947 година. Денес во училиштето се едуцираат ученици во повеќе насоки односно музичка теорија, пијано, дувачки инструменти, ударни инструменти и соло пеење.
Учениците редовно учествуваат на натпреварите во Македонија, на интернационалните натпревари во Србија и Бугарија, вклучени се во Европскиот Оркестар на млади музичари, а често се усовршуваат и во Интерлокен уметничката академија во САД, потврдија од едно од најстарите училишта во градот - Државното музичко училиште во Битола.
Ново на Сител
-
Од денеска поскапува регистрацијата на возилата
-
Мета: Победата на професорката Давкова ќе биде уште поубедлива
-
Протести во Венеција против туристичката такса - Судир на полицијата со демонстрантите
-
Кривична пријава за жител на Росоман за посредување и тргување со оружје или распрскувачки материи
-
Таравари демантира дека вчера имал тајна средба со Ахмети, на која добил понуда од него
-
Во германските продавници пронајдени се над сто килограми кокаин во пратките со банани
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри