Почна протестот пред Собрание Fridays for future кои бараат итно да се донесе Законот за забрана на увоз на отпад

Нов протест против аерозагадувањето организира младинското движење „ Петоци за иднината Скопје“. Револтирани од не носењето на законот, движењето протестот го почна во 15 часот пред Собранието каде одржуваат перформанс со симболично седнување на улица. Протестот е насочен кон пратениците кои според нив го пролонгирале носењето на законско решение за увоз на отпад. 

-Во ноември 2019-та од власта побаравме да донесе нов закон до крајот на годината.  Пратениците почнаа да се занимаваат со овој ургентен проблем дури при крајот на јануари, и продолжуваат бараат изговори за да не го исполнат барањето. Овој протест е насочен кон нив, и затоа мора да се одржи додека се уште се во Собранието во петок, соопштија од движењето.

Мирјана Давидовска