Почна изградбата на новиот објект на ОУ „Димитар Македонски“

На местото на старите бараки на ОУ „Димитар Македонски“ денеска почна изградба на нов модерен објект во соработка со Министерството за образование и наука.

Општина Аеродром информира дека според рокот на изградба новото училиште, ќе се гради во две фази, така што околу 1.000 ученици, колку што е капацитетот на новата зграда, ќе можат да посетуваат настава веќе наредната учебна 2018/2019 година.

Старото училиште беше изградено во  1964 година како донација од француската Влада.