Почна бербата на вранецот во Тиквешко

Во Тиквешкиот регион денеска почна бербата на најзастапената црна сорта грозје „вранец". Откупот се одвива на повеќе пунктови на винарските визби.

- Полека почнува масовната берба и засега нема проблеми на терен, изјави претседателот на Регионалниот сојуз на лозарите „Агротиквешија" Љупчо Аризанов.

Тој информира дека годинава се очекуваат над 180 милиони килограми винско грозје или над 250 милиони, вклучувајќи го и трпезното грозје.

Наскоро се очекува да почне и бербата на најзастапената бела винска сорта - „смедеревка".