Почина примариус д-р Христо Христов основоположник на Одделението за уво, грло и нос во Битола

Почина примариус д-р Христо Христов (90), оториноларинголог и основоположник на Одделението за уво, грло и нос во Битолската болница во 1957 година, долгогодишен началник на ушното одделение каде извршувал најделикатни операции и единствен доктор за цела југозападна Македонија во тоа време.

Факултет за медицина завршил во Белград, специјализирал во Загреб и учел од надалеку прочуениот доктор Анте Шерцер. Се усовршувал во Полска, Германија, Прага и во други европски градови, како и во Африка.

Во својот работен век, прегледал над 100.000, а оперирал над 25.000 лица. Добитник е на бројни награди и признанија за придонес во здравството, меѓу кои и наградата „4 Ноември“ за посебни заслуги и придонес во здравството