Почина нуркачот кој беше инспирација за Бесон за култниот филм „Големо синило“
На 85-годишна возраст на Сицилија почна познатиот нуркач Енцо Мајорка, чиј живот беше инспирација за режисерот Лик Бесон за снимање на филмот „Големо синило“.
Мајорка се прослави кога на 57-годишна возраст без маска за дишење успеа да нурне до длабочина од 101 метер.
Во филмот на Бесон за животот на Мајорка, неговиот лик го толкуваше познатиот француски актер Жан Рено.
Филмот, снимен во 1988 година, говори за ривалството меѓу Мајорка и Жак Мајол. Нивното ривалство датирало уште во 1966 година, кога тие почнале да се натпреваруваат кој ќе може подлабоко да нурка во водите на Медитеранот.
Последниот рекорд на длабочинско нуркање што го има признато Меѓународната федерација е на 73 метри во 70-те години на минатиот век, по што е решено повеќе да не се регистираат нивните длабочински рекорди, затоа што нуркањето на поголеми длабочини може да биде опасно по животите на Мајорка и Мајол.
Откако престанал да се „натпреварува“ во нуркање, Мајорка се посветил на еколошка заштита на медитеранските води, на што останал посветен до крајот на својот живот.
Ново на Сител
-
За еден месец изгорени над 400 хектари шума во Националниот парк Шар Планина
-
Во март зголемени потрошувачките, станбените, автомобилските и кредитите на тековните сметки
-
Приведен 20-годишник кој бил баран со потерница поради бегство од Затворот Гевгелија
-
Боки 13 бара повторено судење за „Рекет“ - има докази со кои ќе покаже каде завршиле парите од чантата Луј Витон
-
Советот НАТО-Украина ќе одржи вонреден состанок за противвоздушната одбрана на Киев
-
Спречен нов атентат врз Зеленски, уапсен Полјак кој соработувал со Русите
-
Бојмацалиев: Една година ФРОНТЕКС - прв договор потпишан на македонски јазик со ЕУ
-
Избрани 12 поротници за судењето против Трамп