Почина легендарниот голман Тоде Георгиевски

На возраст од 80 години почина легендарниот голман на ФК Вардар, Тоде Георгиевски . 

Георгиевски  за црвено-црните одигра 130 првенствени и 239 пријателски натпревари и долги години беше капитен. 

Вечно ќе се паметат неговите одбрани со кои Вардар освои две титули и тоа младински шампион на Југославија во далечната 1949 години и  државниот куп кога во финалето го совлада ФК Вартекс со 2-1. 

Настапуваше и за словенечкиот прволигаш ФК Одред  за време на студирањето на Правниот факултет во Љубљана.  

По завршувањето на фудбалската кариера продолжи во правните води и  беше судија во Врховниот суд на Македонија.