Почеток на кампањата „Што гледаш? Биди нивниот глас!“
Здружението за акција против насилство и трговија со луѓе „Отворена порта“ денеска ќе одржи информативни презентации во Тетово и Гостивар, во рамки на едномесечната кампања „Што гледаш? Биди нивниот глас!, која има цел да ја подигне свеста во однос на трговијата со луѓе.
Презентациите ќе се одржат во медицинското училиште „Никола Штејн“ во Тетово, како и во средното медицинско училиште „Гостивар“ и гимназијата „Панче Попоски“ во Гостивар.
Во Македонија минатата година шест лица беа идентификувани како жртви на трговија со луѓе, додека во соседните држави се идентификувани 100 до 150 лица, покажуваат последните истражувања, според кои бројката на лица со кои се тргува е многу поголема од официјалната.
Најголемиот број од жртвите на трговијата со луѓе се жени и девојчиња. Сите жртви од минатата година се од женски пол, од кои три се малолетнички и три се возрасни лица. Петмина од жртвите се со македонско државјанство и само еден е со странско државјанство. Петмина од нив биле сексуално злоставувани и една била присилена на брак.
Кампањата почнува со караван низ средните училишта во неколку градови како Тетово, Гостивар, Охрид, Струга, Куманово, Штип, Гевгелија и во Скопје.
Дополнително различни превентивни активности ќе се спроведуваат на фреквентни локации и ќе се дистрибуираат превентивни материјали.
Организаторите апелираат сите кои се соочиле со трговијата со луѓе да се јават на телефонскиот број 0800 11 11 1.
Ново на Сител
-
Мажите мора да служат војска | Димитар Атанасовски | Лабави муабети | Sitel Podcast 44
-
Уапсен штипјанец кој ја нападнал сопругата со која се разведува
-
Приведен штипјанец по пријава дека физички ја нападнал сопругата
-
Сиљановска-Давкова: Компромисите со меѓународното право и принципи можат да го компромитираат европскиот и светскиот мир
-
Декларацијата на самитот во Украина најверојатно нема да биде потпишана од сите учесници
-
Кулеба: Во нацрт-изјавата од самитот во Швајцарија беа земени предвид ставовите на Украина
-
Песков: Путин не ја исклучува можноста за преговори со Украина
-
САД уништи седум радари на територијата контролирана од Хутите