Поблиска соработка помеѓу Народната банка и Фискалниот совет за севкупна стабилност на економијата
Соработката и координацијата помеѓу централните банки и фискалните совети, коишто се независни институции што ја надгледуваат фискалната политика, се од суштинско значење за постигнување севкупна економска стабилност. Усогласеноста на макроекономските политики, размената на податоци и постигнувањето долгорочна одржливост се придобивките од соработката помеѓу овие две институции. Оттука, гувернерката на Народната банка, Анита Ангеловска-Бежоска и вицегувернерите, Ана Митреска и Фадил Бајрами, на средбата со Фискалниот совет, сочинет од претседателот на Советот, Глигор Бишев и членовите, академик Абдулменаф Беџети и Марина Трпеска, професорка на Економскиот факултет при УКИМ, се заложија за непречена размена на информации и соработка заради одржување на стабилноста на економијата и на финансискиот систем.
Како што соопшти Народната банка, на средбата е истакнато дека споделувањето информации и анализи помеѓу централната банка и Фискалниот совет е предност при донесување одлуки засновани на податоци и факти и придонесува за подобро толкување на целокупниот економски пејзаж.
Двете институции имаат за цел да обезбедат долгорочна стабилност на економијата, при што фискалните совети би го постигнале тоа преку оцена на одржливоста на јавните финансии, додека централните банки се засегнати од влијанието на фискалните политики преку ценовната и финансиската стабилност, стои во информацијата од централната банка.
Фискалниот совет е избран од страна на Собранието, додека по еден член предлагаат Народната банка, Македонската академија на науките и уметностите и Државниот завод за ревизија. Целта на Советот е да дава независни стручни мислења за фискалните политики и стратегиските документи и извештаи, како и да го надгледува спроведувањето на фискалните правила, заради обезбедување макроекономска стабилност и фискална одржливост.
Ново на Сител
-
ЦУК: На 112 изминатото деноноќие 1951 повик, меѓу кои и за спасување жена падната покрај пат
-
САД испраќаат нов пакет воена помош за Украина вреден 400 милиони долари
-
Извозот на компаниите од ТИРЗ во април 300 милиони евра
-
Гордана Сиљановска Давкова и официјално претседател на државата, ДИК објави конечност на изборните резултати
-
Партијата на пензионери ја честита изборната победа на Коалицијата „Твоја Македонија“
-
ДИК треба да објави конечност на резултатите од претседателските избори и потоа да достави извештај до Собранието
-
ЕК: Србија и Косово ризикуваат да ги пропуштат средствата од Планот за раст поради недостиг од дијалог
-
Белата куќа „загрижена“ за Рафа, но се уште не гледа „голема“ израелска операција