По повеќе од 70 години: Во Аушвиц пронајден скриен накит во шолја со лажно дно!
Во музејот на некогашниот логор Аушвиц, пронајдени се златен прстен и ланче, и тоа во дуплото дно во една од илјадниците емајлирани шолји изложени во музејот.
По повеќе од 70 години откако се ослободени преостанатите затвореници на логорот во Полска, персоналот на музејот го откри женскиот накит завиен во мала крпа во лажното дно на шолјата. „Ваквите откритија се случуваат од време на време, но ова откритие е уникатно заради начинот на кој накитот е сокриен“, рече портпаролот на музејот – Павел Савицки.
Савицки објаснува дека персоналот ги нема проверено илјадниците парчиња садови поединечно. „Овој накит го откривме бидејќи емајлот на шолјата почна да се распаѓа и лажнот дно лесно се одвојуваше од шолјата“. Да се идентификува сопственичката е невозможно. „Единствено што знаеме е дека таа им верувала на лагите на германските нацисти кои ја пратиле во Аушвиц“.
Многу Евреи што беа праќани во Аушвиц и другите концентрациони логори, понесуваа скриен накит и драгоцености, бидејќи нацистите им ветуваа преселување и нови животи. Се разбира, наместо тоа тие беа ограбувани и убивани. „Очигледен е стравот на оваа жена, а тоа се гледа по начинот на кој го сокрила накитот. Таа очигледно знаела за пљачките, но јасно е и дека се надевала дека ќе преживее“, дополнува Савицки.
Музејот на Аушвиц бележи рекорден број посети – во 2015 година, музејот го посетилте 1.72 милиони луѓе, за да ја одбележат 70-годишнината од моментот кога Русите го ослободија логорот. Помеѓу 1940-та и 1945-та година, во Аушвиц се убиени повеќе од милион европски Евреи, и уште 100.000 други затвореници.
Ново на Сител
-
Бугарскиот амбасадор ја одбил протестната нота, усно изразена загриженост поради отстапувањето од договорениот протокол и побарано дополнително објаснување
-
Бајден: На американската тајна служба и треба повеќе помош и работна сила
-
Градоначалникот на Белград повторно зборува за селење на гробот на Тито од Куќата на цвеќето
-
Осомничениот за обидот за убиство на Трамп пред федералниот суд на Флорида
-
Тепачка помеѓу две сестри во Скопје
-
25-годишник нападнат во Аеродром од три лица - му се заканиле и со пиштол
-
Герапетритис: Договорот од Преспа има задолжителен карактер и обврски што треба во потполност да се почитуваат
-
Министерството за спорт ќе ја реконструира спортската сала во кампусот на УКИМ