По нападот во Лондон: Жена жива извлечена од Темза
Една жена денеска е извлечена од реката Темза по нападот на Вестминистерскиот мост во близина на британскиот Парламент.
- Жената се здоби со потешки повреди. Неа во моментот и е неопходна лекарска помош, изјави портпаролот на крајбрежната стража во Лондон.
Тој додаде дека реката во непосредната зона е затворена за сообраќај.
Британската полиција соопшти дека при денешниот напад крај зградата на британскиот Парламент во Лондон има повредени луѓе, вклучувајќи полицајци, без да се прецизира нивниот број.
- Познато ни е дека постојат неколкумина повредени, вклучувајќи полицајци, но во овој момент не можеме да го потврдиме нивниот број", изјави за новинарите претставник на полицијата Би Џеј Харингтон.
Лондонската служба за итна помош соопшти дека нејзини лекарски екипи пружиле медицинска помош на најмалку 10 лица на мостот Вестминстер. - Можеме да потврдиме дека дадовме помош на барем 10 пациенти на мостот Вестминстер, се наведува во соопштението на заменикот-директор на службата Полин Кранмер.
Францускиот премиер Бернар Казнев соопшти дека меѓу повредените има тројца француски ученици.
Ново на Сител
-
Запленети фалсификувани производи во Нови Сад и Белград, меѓу кои има бисквити, детергенти и шампони
-
Токсикологија: Поплавени лекарски канцеларии, болнички соби, сметководство, амбуланта на ОРЛ...
-
ЕК го прогласи веб сајтот за е-трговија „Шејн“ за „многу голема онлајн платформа“
-
Пожар избувна во куќа зад Универзална
-
Во Атина уапсени двајца членови на меѓународната криминална група „Пинк Пантери“
-
На Клиниката за токсикологија ноќеска пукнала цевка од парно
-
Малолетник се сомничи дека извршил обљуба врз малолетничка од Струмичко
-
Израелски цивил убиен во северен Израел