По договорот меѓу Бајден и Путин, рускиот амбасадор се враќа во САД
Рускиот амбасадор во Вашингтон, кој беше вратен во неговата земја на консултации во март, денеска отпатува во САД, во согласност со неодамнешниот договор меѓу рускиот и американскиот претседател Владимир Путин и Џо Бајден, постигнат на Самитот во Женева.
Авионот со амбасадорот Анатолиј Антонов полетал од Москва во 9.20 часот по локално време, пренесоа руските медиуми.
– Со оглед на резултатите од состанокот на двајцата претседатели, сметам на конструктивна работа со моите американски колеги за градење односи на еднаква и прагматична основа, рече Антонов пред патувањето, додавајќи дека е оптимист.
Од своја страна, американскиот амбасадор во Русија Џон Саливан изјави дека наскоро ќе се врати во Москва.
Американските власти ја обвинија Русија за хакирање и мешање во изборите во САД. Руските власти потоа го повлекоа својот амбасадор во САД на консултации во март, откако Бајден го спореди Путин со „убиец“.
Американскиот амбасадор Џон Саливан ја напушти Москва во април, откако двете земји најавија бран санкции и протерување на дипломатите.
Во мај, Русија официјално ги прогласи САД за „непријателска“ држава.
Ново на Сител
-
Министерство за здравство: Ќе се утврдат причините за смртта на 14-месечно бебе
-
Спасувачите трагаат по исчезнати по поплавите и свлечиштата во Јабланица
-
Досега нема кривична пријава поврзана со „Конти“, граѓаните да внимаваат при вложување пари во вакви апликации
-
Лазов: ДСЗИ ќе изврши вонреден инспекциски надзор во здравствените установи каде починатотото бебе било претходно лекувано
-
МОН: Честит 5 Октомври – Светски ден на учителот
-
Над 20 интервенции ноќеска во поплавени куќи во Тетово
-
Тошковски: Да се фокусираме на професионалноста, а не на етничкиот предзнак
-
Фич: Курсот на денарот и банкарскиот сектор остануваат стабилни