По 2,5 месеци отказ за Де Бур

Фудбалскиот клуб Интер му врачи отказ на тренерот Франк де Бур поради серијата на лоши резултати кои клубот го сместија на 11-то место во Серија А со 14 бодови, пренесе Sky Sports.

 

Франк де Бур, во август, две недели пред стартот на првенството, го презеде тимот од Роберто Манчини, но тој не успеа да одговори на предизвикот. Интер, во сите натпреварувања, под водство на Де Бур, одигра 14 натпревари и забележа седум порази.

 

Управата на Интер, минатата недела го поддржа Де Бур, но откако тимот во неделата загуби од Сампдорија, сопствениците од Кина го сменија мислењето.

 

Италијанските медиуми пренесоа дека утрово отказот на Де Бур му бил врачен преку Skype и дека тренингот го водел тренерот на малдинскиот тим Стефано Веки.

 

Меѓу најсериозните кандидати за нов тренер на Интер фигуираат Андре Вилас-Боаш и поранешниот тренер на Лацио Стефано Пиоли.