Пленковиќ: Епидемиолошката ситуација во Хрватска е многу сериозна, наскоро нови мерки
Премиерот на Хрватска, Андреј Пленковиќ, на денешната владина седница потврди дека Штабот за цивилна заштита во наредните денови ќе донесе нов пакет мерки со цел сузбивање на коронавирусот.
Пленковиќ рече дека, и покрај тоа што зголемувањето на бројот на новоинфицирани веќе не е толку големо како во октомври, сепак дневните бројки и натаму се високи.
– Мерките го забавија ширењето на епидемијата, но кривата не почна да паѓа на начинот на кој би сакале тоа да се случи, рече Пленковиќ.
Тој посочи дека се потребни дополнителни напори за да се намали оптоварувањето на здравствениот систем, пренесува порталот Индекс.
Хрватскиот вицепремиер и шеф на штабот за цивилна заштита Давор Божиновиќ рече дека се подготвени опции за воведување на дополнителни епидемиолошки мерки за цела Хрватска, со оглед на зголемувањето на бројот на заразени.
– Ние мора да сториме сè за да ја одржиме функцијата на здравствениот систем, особено на болничкиот систем, нагласи Божиновиќ.
Ново на Сител
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми
-
Водителот Марко Новески стана татко на близначиња