Платата е 1.200 евра, а работници нема ни за лек

Нада Поповиќ, сопственичка на фирма од Ужице во Србија бара работници, но како што вели иако платата е 1.200 евра, работници нема ни за лек. 

 

Таа како што раскажува за српскиот Курир, со години бара ученици од сообраќајното училиште да дојдат кај неа да имаат бесплатна пракса, а потоа да работат на дигалки за  1.200 евра.

 

- Кадарот е проблем бидејќи младите генерации не сакаат да учат за тоа. Дури и тие што ќе завршат школо не знаат да работат со дигалките, вели таа.

 

Оваа работа е платена од 3 до 5 евра за час, а иако кај неа е 1.200 евра не може да најде кадар.

 

Таа вели дека за инает започнала да се занимава со оваа работа бидејќи откако сопругот и починал сметале дека жена не би можела да раководи со ваков бизнис.