„Пирова“ победа на македонските кошаркари над Естонија во евроквалификациите
Македонската кошаркарска репрезентација остана без учество на Европското првенство, и покрај победата над Естонија попладнево во Перм од 86:84, што беше недоволна во пресметката со директниот конкурент за пласман на завршницата.
На македонските кошаркари им беше неопходна победа од најмалку девет поени разлика, а задачата уште повеќе им се усложни по првото полувреме, кое Естонците го добија со плус 11 поени разлика (49:38).
Македонскиот напад не функционираше во првите две четвртини, во кои избраниците на Александар Тодоров имаа дури 12 загубени топки и само три реализирани тројки од 14 обиди.
Со агресивна одбрана на стартот на третата третина и серија од 12:0, од кои девет поени постигна Џејкоб Вајли, Македонците се приближија на 54:50, но уследија две „среќни“ тројки на спротивната страна со кои Естонија ја врати предноста од десет поени.
Македонските кошаркари не се откажаа во ниту еден момент и упорноста им донесе водство од 81:80 на 1,44 секунди до крајот на натпреварот, но немаа сили за подвиг.
Најефикасни во македонските редови беше Ненад Димитријевиќ со 23 поени, додека Вајли постигна 18 кошеви, додавајќи и 14 скокови.
Македонските кошаркари во евроквалификациите забележаа по една победа и пораз против Италија и Естонија, и два порази од Русија.
Пласман на Евробаскетот, покрај домаќините Италија, Германија, Грузија и Чешка, обезбедија досега уште Хрватска, Грција, БиХ, Израел, Шпанија, Словенија, Украина, Русија, Србија, Финска, Полска, Унгарија, Белгија, Холандија, Турција, Бугарија, Франција, Естонија и Велика Британија.
Ново на Сител
-
Си пред посетата на Србија го критикуваше НАТО за бомбардирањето на Белград во 1999 година
-
ЕУ одобри шест милијарди евра за Балканот, Рама: Историски момент, кој внесува нов импулс во процесот на проширување
-
Девизните резерви во април зголемени за 41,9 милиони евра
-
Анонимна пријава за случаи со поткуп од политичка партија во Кичево
-
Во Делчево денеска гласаат 222 болни и изнемоштени лица за претседателските и парламентарните избори
-
Советот на ЕУ го усвои првиот закон за борба против насилство врз жените
-
И во Шпанија студентите подготвуваат протести против Израел
-
Претреси во Охрид поради фотографирање избирачки список и гласачки ливчиња