Пиоли: Интер беше подобар и тактички и психички

Тренерот на Милан, Стефано Пиоли призна дека неговиот тим беше надигран од градскиот ривал Интер во првиот натпревар од полуфиналето на Лигата на шампионите.

Интер синоќа како гостин победи со 2:0 и се наоѓа пред пласман во финалето на елитното фудбалско натпреварување.

- Имавме добро второ полувреме. Треба да го земете предвид ова. Можевме да се вратиме во игра. Во реваншот треба да ја подигнеме самодовербата и да играме повеќе како што игравме во вториот дел. Интер беше подобар и тактички и психички. Разочарани сме, но сакаме да го промениме овој резултат во реваншот. Наша цел беше да играме агресивно, но Интер доби многу дуели, изјави Пиоли.

Реваншот ќе се одигра на 16 мај.