Свет
10. August 2019 - 9:50

Петмина загинати во несреќата со млазен мотор на воен полигон во Русија

Петмина вработени во руската државна корпорација Росатом загинале, а тројца се повредени во несреќата на полигонот за воена обука во регионот Архангелск во северна Русија, кога пред два дена, при тестирање на млазен мотор дојде до експлозија.

Тројца од повредените од несреќата при тестирањето на моторот со течен погон се здобиле со изгореници.

Првично беше соопштено за двајца загинати, а шестмина повредени. Локалните медиуми информираат дека смртниот биланс се зголемил откако дел од повредените им подлегнале на повредите.

Несреќата се случи на полигонот Северодвинск во регионот Архангелск.